+30 °С
Болотло
Новости
28 Июнь 2021, 16:50
Рухлы, һәләтле, талапсан етәксе, тоғро дуҫ ине...
Бөгөн хәтер кисәһендә Ришат Марат улы Дихинды нәҡ шулай ҡылыҡһырлап иҫкә алдылар...
Урмияҙ ауылында үткән Ришат Марат улы Дихиндың “Уҡылмаған китап” тип аталған хәтер кисәһендә район хакимиәте башлығы Динис Рәдис улы Йосопов, Республика Башлығының Муниципаль берәмектәр менән эш итеү идаралығы баш советнигы Илнур Илдар улы Мөхйәнов, Ағиҙел ҡалаһы хакимиәте башлығы Фәнис Яфас улы Ғилуанов, Ришат Марат улының ата-әсәһе Розалия апай менән Марат ағай, хәләл ефете Гөлназ Рәзиф ҡыҙы, улдары, туғандары, шулай уҡ ошо сараны ойоштороуҙа ҙур көс һалыусы Урмияҙ ауыл биләмәһе башлығы Илшат Үзбәк улы Ирғәлин, Асҡын үҙәк район дауаханаһы баш табибы Артур Риф улы Ғәлиуллин, Ришат Марат улының яҡындары, дуҫтары, ауылдаштары, хеҙмәттәштәре, райондаштары килгәйне.
Сығыш яһаусыларҙың һәр береһе Ришат Марат улын ижади, изге күңелле, яҡты йөҙлө, ярҙамсыл, егәрле, маҡсатсан, һәләтле кеше, талапсан етәксе, оҫта ойоштороусы, тоғро дуҫ, ышаныслы тормош иптәше, хәстәрлекле ул һәм атай булараҡ ҡылыҡһырланы.
Хәтер кисәһен Мәҙәниәт, спорт һәм йәштәр сәйәсәте идаралығы начальнигы вазифаһын башҡарыусы Илсур Муллахан улы Ғилфанов менән Район клуб-китапхана системаһының ойоштороу-методик бүлеге мөдире Гөлзифа Альберт ҡыҙы Мөхәмәтдинова алып барҙы.
Наилә Имаева.
