+30 °С
Болотло
Новости
24 Июнь 2021, 11:20
Ҡубияҙҙа яңы ФАП төҙөләсәк
Динара Еникеева эш сәфәре менән Асҡын районында булды.
Асҡын районына эш сәфәре менән Башҡортостан Республикаһы һаулыҡ һаҡлау министры урынбаҫары Динара Еникеева килде. Уны Асҡын үҙәк район дауаханаһының баш табибы Артур Ғәлиуллин оҙатып йөрөнө.
Тәү сиратта Динара Рәис ҡыҙы кәрәкле медицина йыһаздары, мебель менән тәьмин ителгән яңы Солтанай фельдшер-акушерлыҡ пунктын ҡараны. Бирелә уңайлы шарттарҙа медицина процедуралары, вакцинация, профилактик саралар үткәрелә. Пункт сәләмәтлектәре буйынса мөмкинлектәре сикле граждандарҙың да талаптарын иҫәпкә алып төҙөлгән. Фельдшер Земфира Хәлилова ҡунаҡтарға барлыҡ бүлмәләрҙе күрһәтте, эш шарттары менән таныштырҙы. Ул Солтанай, Ҡушкүл, Ҡаракүл ауылдарында йәшәгән 270 кешене хеҙмәтләндерә. Динара Рәис ҡыҙы биреләге бөхтәлеккә, таҙалыҡҡа иғтибар итте һәм биләмәне төҙөкләндерергә кәрәклеген билдәләне. Артур Риф улы был мәсьәләнең яҡын көндәрҙә хәл ителәсәген әйтте.
Артабан Динара Еникеева район хакимиәте башлығы Динис Йосопов менән осрашты. Улар районда һаулыҡ һаҡлау торошо мәсьәләләрен, ҡайһы ауылдарҙа фельдшер-акушерлыҡ пункттары төҙөргә кәрәклеген, вакцинация барышын тикшерҙе.
Шулай уҡ һаулыҡ һаҡлау министры урынбаҫары асҡындарҙы шәхси ҡабул итте һәм һәр береһен иғтибар менән тыңлап, кәңәш бирҙе, һорауҙарҙы шәхси контроленә алды.
Иҫегеҙгә төшөрөп үтәбеҙ, “Һаулыҡ һаҡлау” милли проектының төп маҡсаттары — халыҡ үлемен кәметеү, медицина учреждениеларында беренсел медицина-санитар ярҙамын күрһәтеүсе кадрҙар дефицитын бөтөрөү, барлыҡ граждандарға профилактик медицина күҙәтеүе үткәреү һәм бөгөнгө көндә иң мөһиме — коронавирусҡа ҡаршы вакцина эшләтеү. Был мөһим мәсьәләгә эш сәфәре барышында Динара Рәис ҡыҙы ҙур иғтибар бүлде.
Динара Еникеева артабан Ҡубияҙ һәм Шишмә-Үрәкәй фельдшер-акушерлыҡ пункттарына ла барҙы. Ҡубияҙҙа мәртәбәле ҡунаҡтарҙы 12 йыл фельдшер булып эшләүсе Зөһрә Минаева ихлас ҡаршыланы. Ул барлығы 1300 кешене хеҙмәтләндерә. Бина иҫке, 1970 йылда үҙгәртеп ҡоролған. Ҡубияҙ ауылы халҡы күптән пункт төҙөү мәсьәләһе менән мөрәжәғәт иткән. Ошо көндәрҙә бирелә эштәр башланасаҡ.
Динара Рәис ҡыҙы пунктҡа процедуралар алырға килгән кешеләр менән дә аралашты.
— Халыҡ сәләмәтлеге — төп мәсьәлә. Үҙеңде һәм яҡындарыңды ошо ауыр сирҙән һаҡлар өсөн вакцина яһатырға кәрәк. Күп кеше быға ышанмай. Халыҡ араһында аңлатыу эше алып барыу мөһим. Кешеләр бик ауыр сирләй, ә эҙемтәләре тағын да ҡатлаулыраҡ, — тип билдәләне ул.
Артур Риф улы әйтеүенсә, Асҡын районында әлеге ваҡытта яңы коронавирус инфекцияһына ҡаршы вакцинация тулы ҡеүәтенә бара. Был маҡсатта мобиль бригадалар төҙөлгән, улар план-график буйынса ауыл биләмәләренә сыға. Ауыл халҡы өсөн был бик уңайлы. Шулай уҡ Асҡын ауылында “Танып” сауҙа үҙәге эргәһендә иртәнге 9-ҙан киске 8 сәғәткә тиклем мобиль пункт эшләй.
Тәү сиратта Динара Рәис ҡыҙы кәрәкле медицина йыһаздары, мебель менән тәьмин ителгән яңы Солтанай фельдшер-акушерлыҡ пунктын ҡараны. Бирелә уңайлы шарттарҙа медицина процедуралары, вакцинация, профилактик саралар үткәрелә. Пункт сәләмәтлектәре буйынса мөмкинлектәре сикле граждандарҙың да талаптарын иҫәпкә алып төҙөлгән. Фельдшер Земфира Хәлилова ҡунаҡтарға барлыҡ бүлмәләрҙе күрһәтте, эш шарттары менән таныштырҙы. Ул Солтанай, Ҡушкүл, Ҡаракүл ауылдарында йәшәгән 270 кешене хеҙмәтләндерә. Динара Рәис ҡыҙы биреләге бөхтәлеккә, таҙалыҡҡа иғтибар итте һәм биләмәне төҙөкләндерергә кәрәклеген билдәләне. Артур Риф улы был мәсьәләнең яҡын көндәрҙә хәл ителәсәген әйтте.
Артабан Динара Еникеева район хакимиәте башлығы Динис Йосопов менән осрашты. Улар районда һаулыҡ һаҡлау торошо мәсьәләләрен, ҡайһы ауылдарҙа фельдшер-акушерлыҡ пункттары төҙөргә кәрәклеген, вакцинация барышын тикшерҙе.
Шулай уҡ һаулыҡ һаҡлау министры урынбаҫары асҡындарҙы шәхси ҡабул итте һәм һәр береһен иғтибар менән тыңлап, кәңәш бирҙе, һорауҙарҙы шәхси контроленә алды.
Иҫегеҙгә төшөрөп үтәбеҙ, “Һаулыҡ һаҡлау” милли проектының төп маҡсаттары — халыҡ үлемен кәметеү, медицина учреждениеларында беренсел медицина-санитар ярҙамын күрһәтеүсе кадрҙар дефицитын бөтөрөү, барлыҡ граждандарға профилактик медицина күҙәтеүе үткәреү һәм бөгөнгө көндә иң мөһиме — коронавирусҡа ҡаршы вакцина эшләтеү. Был мөһим мәсьәләгә эш сәфәре барышында Динара Рәис ҡыҙы ҙур иғтибар бүлде.
Динара Еникеева артабан Ҡубияҙ һәм Шишмә-Үрәкәй фельдшер-акушерлыҡ пункттарына ла барҙы. Ҡубияҙҙа мәртәбәле ҡунаҡтарҙы 12 йыл фельдшер булып эшләүсе Зөһрә Минаева ихлас ҡаршыланы. Ул барлығы 1300 кешене хеҙмәтләндерә. Бина иҫке, 1970 йылда үҙгәртеп ҡоролған. Ҡубияҙ ауылы халҡы күптән пункт төҙөү мәсьәләһе менән мөрәжәғәт иткән. Ошо көндәрҙә бирелә эштәр башланасаҡ.
Динара Рәис ҡыҙы пунктҡа процедуралар алырға килгән кешеләр менән дә аралашты.
— Халыҡ сәләмәтлеге — төп мәсьәлә. Үҙеңде һәм яҡындарыңды ошо ауыр сирҙән һаҡлар өсөн вакцина яһатырға кәрәк. Күп кеше быға ышанмай. Халыҡ араһында аңлатыу эше алып барыу мөһим. Кешеләр бик ауыр сирләй, ә эҙемтәләре тағын да ҡатлаулыраҡ, — тип билдәләне ул.
Артур Риф улы әйтеүенсә, Асҡын районында әлеге ваҡытта яңы коронавирус инфекцияһына ҡаршы вакцинация тулы ҡеүәтенә бара. Был маҡсатта мобиль бригадалар төҙөлгән, улар план-график буйынса ауыл биләмәләренә сыға. Ауыл халҡы өсөн был бик уңайлы. Шулай уҡ Асҡын ауылында “Танып” сауҙа үҙәге эргәһендә иртәнге 9-ҙан киске 8 сәғәткә тиклем мобиль пункт эшләй.
Теманы дауам итеп...
Осрашыуҙарҙан һуң Динара Рәис ҡыҙы үҙенең тәьҫораттары менән бүлеште:
— Асҡын районында эш сәфәре һөҙөмтәле булды. Район һаулыҡ һаҡлау системаһында һайлаған һөнәренә бар күңелен һалған хеҙмәткәрҙәр эшләй. Солтанай ауылында фельдшер-акушерлыҡ пункты сифатлы төҙөлгән һәм кәрәкле медицина ҡорамалдары, мебель менән йыһазландырылған. Был ҡыуаныслы, сөнки ауыл халҡы сифатлы медицина ярҙамы аласаҡ. Динис Рәдис улы менән районда һаулыҡ һаҡлау үҫеше тураһында һөйләштек. Әлбиттә, проблемалар бар. Улар контролгә алынды. Ҡубияҙ ауылында мотлаҡ рәүештә кирбестән яҡшы фельдшер-акушерлыҡ пункты төҙөргә кәрәк, унда халыҡ һаны ла күп. Шулай уҡ беҙ Мутайылға ауылында ла модулле ФАП төҙөлөшө тураһында фекер алыштыҡ. Граждандарҙы шәхси ҡабул итеүгә килгәндә, һорауҙар контролгә алынды. Иҫке Ҡаҙансы һәм Ҡуяштыр ауылдарында ла ФАП төҙөргә кәрәклеге тураһында һорауҙар күтәрелде. Иң мөһиме бөгөнгө көндә, әлбиттә, вакцинация. Беҙ дөйөм тырышлыҡ менән, коллектив иммунитет барлыҡҡа килгәндә генә был мәкерле сирҙе еңә аласаҡбыҙ. Социаль селтәрҙәр, киң мәғлүмәт саралары, шәхси осрашыуҙар аша һәм шәхси өлгө күрһәтеп халыҡ араһында аңлатыу эше алып барырға кәрәк.
Нина Николаева.
Марат Юнысов фотолары.
Осрашыуҙарҙан һуң Динара Рәис ҡыҙы үҙенең тәьҫораттары менән бүлеште:
— Асҡын районында эш сәфәре һөҙөмтәле булды. Район һаулыҡ һаҡлау системаһында һайлаған һөнәренә бар күңелен һалған хеҙмәткәрҙәр эшләй. Солтанай ауылында фельдшер-акушерлыҡ пункты сифатлы төҙөлгән һәм кәрәкле медицина ҡорамалдары, мебель менән йыһазландырылған. Был ҡыуаныслы, сөнки ауыл халҡы сифатлы медицина ярҙамы аласаҡ. Динис Рәдис улы менән районда һаулыҡ һаҡлау үҫеше тураһында һөйләштек. Әлбиттә, проблемалар бар. Улар контролгә алынды. Ҡубияҙ ауылында мотлаҡ рәүештә кирбестән яҡшы фельдшер-акушерлыҡ пункты төҙөргә кәрәк, унда халыҡ һаны ла күп. Шулай уҡ беҙ Мутайылға ауылында ла модулле ФАП төҙөлөшө тураһында фекер алыштыҡ. Граждандарҙы шәхси ҡабул итеүгә килгәндә, һорауҙар контролгә алынды. Иҫке Ҡаҙансы һәм Ҡуяштыр ауылдарында ла ФАП төҙөргә кәрәклеге тураһында һорауҙар күтәрелде. Иң мөһиме бөгөнгө көндә, әлбиттә, вакцинация. Беҙ дөйөм тырышлыҡ менән, коллектив иммунитет барлыҡҡа килгәндә генә был мәкерле сирҙе еңә аласаҡбыҙ. Социаль селтәрҙәр, киң мәғлүмәт саралары, шәхси осрашыуҙар аша һәм шәхси өлгө күрһәтеп халыҡ араһында аңлатыу эше алып барырға кәрәк.
Нина Николаева.
Марат Юнысов фотолары.
