Юл танымаҫлыҡ буласаҡ

Бөрө-Таҫтүбә-Һатҡы трассаһының дөйөм оҙонлоғо – 71 километр. Уны төҙөү федераль бюджет иҫәбенә башҡарыла. Тәүге этабы 2017 йылда башланғайны. 2020 йылдан эштәр 40 километрлы участкала йәйелдерелгән, уның өсөн “Башкиравтодор” яуап бирә. Объектты тапшырыу ваҡыты – 2022 йыл аҙағы.Ошо ваҡытка ҡариҙелдәрҙең бер нисә быуыны белгән юл танымаҫлыҡ буласаҡ. Бөрө-Таҫтүбә-Һатҡы автоюлына реконструкция – Башҡортостандың төньяҡ-көнсығышын үҫтереүгә йүнәлтелгән иң ҙур проекттарының береһе.

Әлеге ваҡытта автомобиль йөрөтөүселәр был юлдан йөрөгәндә ҡыйынлыҡ кисерә. Ләкин бер йылдан һуң район һәм республика халҡы күрше төбәктәр менән ышаныслы транспорт элемтәһе һәм ҡасандыр проблемалы булған юл участкаһынан рәхәтләнеп үтеү мөмкинлеге аласаҡ.

Люция Карамова.