+30 °С
Болотло
Новости
16 Апрель 2021, 07:33
Асҡын журналистары — «Медиайыйын»да
Бөгөн Ғафури районы “Красноусол” шифаханаһында Бөтә донъя башҡорттары ҡоролтайы йәмәғәт ойошмаһы башланғысы менән «Медиайыйын» милли киң мәғлүмәт саралары форумы үтә.
Был мәртәбәле сарала Асҡын мәғлүмәт үҙәге журналистары — “Йәнтөйәк” район-ара гәзите баш мөхәррире Наилә Зәйнулла ҡыҙы Имаева менән баҫманың тәржемәсе-корректоры Илһөйәр Тәлғәт ҡыҙы Махатова ла ҡатнаша.
Форум программаһында бер нисә секция эше планлаштырылған.
Әйткәндәй, бөгөн Башҡортостан Республикаһы халыҡтарының Милли кейеме көнө лә билдәләнә. Шуға ла журналистар милли кейемдәрҙә килеп, ата-бабаларыбыҙҙың тарихына һәм мәҙәниәтенә күҙ һалыу, халыҡ араһында әхлаҡи ҡиммәттәрҙе таратыу, республикабыҙҙа йәшәүсе халыҡтарҙың йолаларын, мәҙәниәтен, телен һаҡлауға һәм пропагандалауға үҙ өлөшөн индерә.
Наилә Имаева.
