+30 °С
Болотло
Новости
8 Апрель 2021, 02:25
Афарин, Камил!
Солтанбәк урта мәктәбенең 6-сы класс уҡыусыһы Камил Исламов уҡыусыларҙың Кесе фәндәр академияһы сиктәрендә ғилми-тикшеренеү эштәре конкурсының республика этабында 3-сө урын яуланы.
Солтанбәк урта мәктәбенең 6-сы класс уҡыусыһы Камил Исламов уҡытыусыларын һәм ата-әсәһен уңыштары менән һөйөндөрөп кенә тора. Яңы ғына уҡыусыларҙың Кесе фәндәр академияһы сиктәрендә ғилми-тикшеренеү эштәре конкурсының республика этабында 3-сө урын яулай. Фәнни етәксеһе Зилә Исламова ярҙамында Камил инженерлыҡ йүнәлешен һайлап, “Аҡыллы йорт” тигән тикшеренеү эшен башҡара. Солтанбәктәрҙең тырышлығы бушҡа китмәй, улар 3-сө урынға лайыҡ була.
Әйткәндәй, Камилдың республика конкурсында был тәүге еңеүе түгел. Быйылғы уҡыу йылында тырыш үҫмер “Китап уҡыусы ата-әсәләр – китап уҡыусы балалар” тигән бәйгелә лә еңеү яулаған була.
Кем белә, бәлки нәҡ Камил киләсәктә үҙ эшенең оҫтаһы булған инженер булып, аҡыллы йорттар төҙөп, халҡыбыҙ мәнфәғәтенә хеҙмәт итер!
Наилә Имаева.
Зилә Исламова фотолары.
