+30 °С
Болотло
Новости
29 Март 2021, 07:30
Рухлы, маҡсатсан, егәрле ине...
“Ут күршеләр булып, бер-беребеҙгә ярҙам итеп эшләнек. Ришат Марат улының пландары бик күп ине. Бик аяныс...” — тип уның ғаиләһенең, ата-әсәһенең, туғандарының һәм район халҡының оло ҡайғыһын уртаҡлашты Балтас районы хакимиәте башлығы Илгиз Әхүәс улы Субушев.
Асҡын район Мәҙәниәт йортонда район хакимиәте башлығы Ришат Марат улы Дихин менән траур хушлашыу митингыһы үтте. Ришат Марат улын һуңғы юлға оҙатырға уның хеҙмәттәштәре — ҡала һәм райондарҙың хакимиәт башлыҡтары ла килгәйне.
“Бик ауыр, бик ҡыйын үҙебеҙҙең шундай ут күршебеҙҙе юғалтыуы. Ришат Марат улы дуҫ та, коллега ла ине. Бик тырышып эшләне. Пландары бигерәк күп ине. Гел кәңәшләшеп, һөйләшеп, фекер алышып, тәжрибә уртаҡлашып торҙоҡ. Бик йәш килеш, бик иртә китте беҙҙең аранан. Уның бит әле бар көсөн, белемен һалып, дәртләнеп, халҡы менән бергәләп пландарын тормошҡа ашыра торған сағы ғына ине. Ришат Марат улының ғаиләһенә, ата-әсәһенә, туғандарына, яҡындарына түҙемлек теләйем. Асҡын халҡына ла сабырлыҡ, Ришат Марат улы башлаған изге эштәрҙе дауам итеүҙәрен теләйем”, — тине Балтас районы хакимиәте башлығы Илгиз Әхүәс улы Субушев.
Наилә Имаева.
