Мәҙәниәт ирекмәндәре вебинарҙа ҡатнашты

Сараны Башҡортостандың Мәҙәниәт министрлығы, Әхмәтзәки Вәлиди исемендәге Милли китапхана, республиканың Мәҙәниәт ирекмәндәре мәктәбе, Ирекмән үҙәктәре ассоциацияһындағы “Мәҙәниәт ирекмәндәре” йәмәғәт хәрәкәтенең төбәк координаторы ойошторҙо.

Мәғлүм булыуынса, “Мәҙәниәт ирекмәндәре” программаһы Рәсәй Президенты Владимир Путиндың май указы менән раҫланған “Мәҙәниәт” милли проектының “Ижад кешеләре” федераль проекты нигеҙендә 2019 йылдан тормошҡа ашырыла.

Китапханала билдәләүҙәренсә, вебинар барышында ирекмәнлек берләшмәләренең мөмкинлектәре, уларҙы йәлеп итеү, матди булмаған ярҙам системаһын ғәмәлгә индереү, китапханаларҙа ирекмәндәр өсөн саралар һәм берлектәге эште ойоштороу, проекттарҙы тормошҡа ашырыу хаҡында фекер алыштылар.

Билдәле булыуынса, "Мәҙәниәт" милли проекты "Мәҙәни мөхит", "Ижад кешеләре", "Һанлы мәҙәниәт" федераль проекттарынан тора.

Фото: ria56.ru