+30 °С
Болотло
Новости
11 Март 2021, 11:00
Балтас сәхнәһе гөрләп тора!
Балтас районында бер нисә сәғәттән “Йәш килен” республика этноконкурсы башлана. Әлегә мәртәбәле ҡунаҡтарҙы ҡаршы алалар, йәш килендәр сығыштарын ҡабатлай, фотоға төшә, таныша, аралаша.
Балтас районында “Йәш килен” республика этноконкурсы башланырға һанаулы ғына ваҡыт ҡалды. Баш ҡаланан килеүсе жюри ағзаларын һәм мәртәбәле ҡунаҡтарҙы йола буйынса матур итеп ҡаршы алдылар.
Бәйгелә барыһы 15 йәш килен саялыҡта, оҫталыҡта һынау тота. Балтастан — бишәү, Тәтешленән — икәү, Асҡындан, Туймазынан, Балаҡатайҙан, Илештән, Борайҙан, Бишбүләктән, Дыуандан, Дәүләкәндән берәр ҡатнашыусы. Бәйге 19.00 сәғәттә башлана, уға тиклем йәш килендәр “Һыу юлы” презентацияһын һәм үҙҙәренең визиткаларын ҡабатлай.
Гөлнара Шәймөхәмәтова.
Балтас районы.
