Халыҡ-ара ҡатын-ҡыҙҙар көнө уңайынан Балтас районы Мәҙәниәт йортонда ҙур тантана үтте. Район хакимиәте башлығы Илгиз Субушев биш бала тәрбиәләүсе әсәләргә “Әсәлек даны” миҙалын тапшырҙы. Бындай наградаға Тутағас ауылынан Эльвина Рәмил ҡыҙы Абдуллина һәм Иҫке Балтас ауылынан Илһөйәр Ильяс ҡыҙы Хәлилова лайыҡ булды. Оло хөрмәткә лайыҡ әсәйҙәрҙе байрам менән ҡотлайбыҙ һәм ныҡлы сәләмәтлек, балалар ҡыуанысы, бәхеле тормош теләйбеҙ!