Ҡотлайбыҙ!

Халыҡ-ара ҡатын-ҡыҙҙар байрамы алдынан "Ҡатын-ҡыҙ - милләт әсәһе" V республика конкурсына йомғаҡ яһалды. "Мәҙәниәттә- ҡатын-ҡыҙ " номинацияһында Балтас районынан “Гөрләүектәр” өлгөлө бейеү коллективы етәксеһе Гөлназ Ғәлләмова еңеү яуланы.

Конкурста ҡатнашырға теләк белдереп, 500-ҙән ашыу ҡатын-ҡыҙ ғариза биргән. 2 мартта республика этабында еңгәндәрҙе тәбрикләнеләр. Улар араһынан 200 ҡатын-ҡыҙ сараның тәүге өлөшөндә бүләкләнде.

Конкурс 10 номинация: «Ҡатын-ҡыҙ — әсә», «Ҡатын-ҡыҙ – лидер», «Ҡатын-ҡыҙ — ғалимә», «Ҡатын-ҡыҙ — уҡытыусы», «Ҡатын-ҡыҙ — бизнес-леди», «Ҡатын-ҡыҙ — һөнәр оҫтаһы», «Ҡатын-ҡыҙ — йыл өлгөһө», «Өлкән йәштәге әүҙем йәмәғәт эшмәкәре», «Иң йәш йәмәғәт эшмәкәре», «Мәҙәниәттә ҡатын-ҡыҙ» буйынса үтте .

Һөҙөмтәлә, Гөлназ Әхтәм ҡыҙы финалист дипломына һәм "Башҡорт халҡының рухи-әхлаҡи ҡиммәттәрен һаҡлағаны һәм пропагандалауы өсөн" Почет грамотаһына лайыҡ булды.

Гөлнара Шәймөхәмәтова.

Балтас районы.