+16 °С
Дождь
Новости
16 Февраля 2021, 11:45
Утты-һыуҙы кискән яугирға 99 йәш тулды
Асҡын районы Яңы Ҡара ауылында йәшәүсе Бөйөк Ватан һуғышы ветераны Малик Ағзам улы Ғайсинды ағинәйҙәр тыуған көнө менән ҡотланы.
Дәһшәтле һуғыш юлын үткән яугирҙарыбыҙҙың береһе — оло хөрмәткә лайыҡ хеҙмәт ветераны, мәғариф отличнигы, ваҡытында әүҙем йәмәғәтсе булған Малик Ағзам улы Ғайсин бөгөн Яңы Ҡара ауылында ҡыҙы Миңзилә һәм кейәүе Рәдис Рамазан улы Мөғтәбәровтарҙың ҡәҙер-хөрмәтендә йәшәй. Кисә уға 99 йәш тулды. Ошо уңайҙан Малик Ағзам улын ҡотларға Яңы Ҡара ауылы ағинәйҙәре килә. Улар ветеранға ныҡлы сәләмәтлек, артабан да шулай балаларының ҡәҙер-хөрмәтендә бәхетле ҡартлыҡ кисереүен теләй.
Наилә Имаева.
Гөлнара Шәйхинурова фотолары.
