“Тамыр”ҙар оҫталыҡ дәресе күрһәтте

5 февралдә районыбыҙҙа үтәсәк Балыҡсы ырыуы йыйыны сиктәрендә бөгөн Асҡын 2-се урта мәктәбендә «Тамыр» балалар һәм үҫмерҙәр телеканалы баш мөхәррире Резеда Миңлебай ҡыҙы Миндиярова етәкселегендә ижади төркөм уҡыусылар менән осрашты. “Тамыр”ҙар республика балалар телеканалы тураһында һөйләп, тележурналист һөнәре нескәлектәре менән таныштырҙы, телесюжет әҙерләү, камера алдында үҙеңде тотоу, интервью алыу буйынса оҫталыҡ дәрестәре күрһәтте."НУРБОСТАН" исемле башҡорт телендәге беренсе анимацион сериалды презентацияланы.

Абруйлы телефестивалдәрҙә бик күп наградалар яулаған «Тамыр» телеканалы белгестәрен тыңларға, уларҙан оҫталыҡҡа өйрәнергә Асҡын 1-се һәм 2-се, Ҡубияҙ, Урмияҙ, Ҡашҡа, Солтанбәк, Билгеш мәктәптәре уҡыусылары башҡорт теле һәм әҙәбиәте уҡытыусылары етәкселегендә килгәйне.

Наилә Имаева.