+20 °С
Облачно
Новости
6 Января 2021, 15:50
Өлгөрҙәр, уңғандар, берҙәмдәр!
Солтанбәк ауылының “Шатлыҡ” балалар баҡсаһы бер юлы ике еңеү яулай! Ҡотлайбыҙ! Афариндар!
Районыбыҙҙа “Таҙа ҡыш көнө” экологик акцияһы ойошторолдо. Уға ярашлы ауылдарҙа төрлө саралар уҙғарылды. Күп урындарҙа урам, ихаталарҙы ҡарҙан таҙартыу буйынса өмәләр үтте.
Солтанбәк ауылының “Шатлыҡ” балалар баҡсаһы ла был акциянан ситтә ҡалмай, ә уға ижади ҡараш һәм күңел йылыһын һалып, ҙур теләк менән ҡушыла. Тәрбиәселәр кескәйҙәр менән бергәләп тышҡа сығып, үҙ биләмәләрен ҡарҙан таҙарта. Башҡарылған эштәрҙе фотоға төшөрөп, "Бәйләнештә" социаль селтәренә ҡуйып та өлгөрә. Коллективтың берҙәмлеген, өлгөрлөгөн юғары баһалайҙар һәм улар иң әүҙем ҡатнашыусы булараҡ еңеү яулай!
“Шатлыҡ”тарҙың еңеүе бының менән генә бөтмәй әле. Улар “Иң яҡшы Ҡар бабай” район конкурсында ла әүҙем ҡатнаша. Социаль селтәрҙәрҙә иң күп тауыш йыйыу буйынса улар 3-сө урын яулай! Афарин, “шатлыҡ”тар! Артабан да шулай әүҙем, рухлы, берҙәм булып ҡалығыҙ!
Наилә Имаева.
