+30 °С
Болотло
Новости
31 Декабрь 2020, 21:00
“Йөрәктәге яҙмалар” китабын уҡығыҙ!
З. Биишева исемендәге “Китап” нәшриәтендә күренекле шағир, публицист һәм ғалим-энциклопедист, Салауат Юлаев исемендәге дәүләт премияһы лауреаты Рәшит Шәкүрҙең “Йөрәктәге яҙмалар” исемле китабы донъя күрҙе.
Яҙыусы үҙенең дәүере, ике быуат араһындағы уртаһында үҙе ҡатнашып йөрөгән бик күп ижтимағи һәм сәйәси ваҡиғалар хаҡында бәйән итә, халҡыбыҙ һәм республикабыҙ яҙмышы өсөн хәҙер ҙә әһәмиәтле проблемаларҙы күтәрә.
Хәтирәләр иң тәүҙә “Ағиҙел” журналында донъя күргәйне. Уҡыусылар һәм йәмәғәтселек араһында ул ҙур ҡыҙыҡһыныу тыуҙырҙы.
Яңы китапты “Китап” нәшриәте магазинынан һатып алырға була. Заманыбыҙҙың олуғ шәхесенең йөрәктәге яҙмалары, моғайын, милләттәштәрҙең йөрәгендә лә урын алыр.
Автор: Л. СИТДИҠОВА
