+20 °С
Облачно
Новости
4 Декабря 2020, 18:15
Изгелек эшләү – иң сауаплы ғәмәл
“Изгелек эстафетаһы”н Солтанбәк мәктәбе директоры Алһыу Фәзнәүи ҡыҙы Фәрәхова ҡабул итеп алды.
Солтанбәк мәктәбе коллективы октябрь айында уҡ район гәзиттәренә беренселәрҙән булып яҙылып ҡуйғайны. Бер нисә йыл дауамында улар район гәзиттәренең тоғро дуҫы, әүҙем хәбәрсеһе булып ҡала килә. Бының өсөн айырым рәхмәт!
- Эстафетаға ҙур теләк менән ҡушылам һәм ихлас күңелдән “Йәнтөйәк” район-ара гәзитен бүләк итәм, - тине Алһыу Фәзнәүи ҡыҙы һәм баҫмабыҙҙы Солтанбәктәге күп балалы аҙ тәьмин ителгән ғаиләгә юлланы.
“Изгелек эстафетаһы”н Алһыу Фәзнәүи ҡыҙы Үршиҙе мәктәбе директоры Илнур Ильяс улы Исхаковҡа тапшырҙы.
Наилә Имаева.
