+30 °С
Болотло
Новости
24 Июль 2020, 12:15
«Туған тел илселәре» акцияһы башланды
#ҡоролтай #курултай #ВсемирныйКурултайБашкир #БашкирскийЯзык #БашҡортТеле #БашҡортТелеЙылы #ГодБашкирскогоЯзыка
Бөтә донъя башҡорттары ҡоролтайы Башҡортостандың Мәғариф һәм фән министрлығы БР Мәҙәниәт министрлығы менән берлектә «Туған тел илселәре» акцияһын башланы. Уның барышында мәктәп йәшендәге балалар менән халҡыбыҙ мәҙәниәтен һәм телебеҙҙе республика музейҙары нигеҙендә өйрәнеү ҡаралған. Акция 25 декабргәсә дауам итәсәк.
Әлеге ваҡытта интерактив дәрестәрҙе төшөрөү бара. Баймаҡ районындағы Темәс тарих-крайҙы өйрәнеү музейы һәм Күгәрсен районы Туйөмбәт ауылындағы Зәйнәб Биишеваның йорт-музейынан материал тупланған. Киләһе дәресте 112-се Башҡорт атлылар дивизияһы музейында төшөрөү планлаштырылған.
