+30 °С
Болотло
Новости
1 Июль 2020, 08:35
Асҡында йәрминкә гөрләй
Бөгөн, Рәсәй Федерацияһы Конституцияһына төҙәтмәләр буйынса тауыш биреү көнөндә, Асҡын ауылында социаль йәрминкә ойошторолдо. «Йәрминкәлә йыл да әүҙем ҡатнашабыҙ», - ти солтанбәктәр.
Асҡын ауылының Ленин майҙанында иртә менән йәнлелек һиҙелә ине. Мәктәп һәм ауыл биләмәләре әҙерләп алып килгән продукциянан өҫтәлдәр тулып, һатып алыусыларҙы әллә ҡайҙан саҡырып тора.
- Йәрминкәгә йыл да ныҡлы әҙерләнеп киләбеҙ. Бына бөгөн дә уҡытыусылар отпускыла булыуҙарына ҡарамаҫтан, кем уҙарҙан һатырға үҙҙәре етештергән продукция әҙерләне. Беҙ күп итеп һөт ризыҡтары, еләк-емеш, яңы йыйылған һәм киптерелгән дарыу үләндәре, йомортҡа, йәшел тәмләткестәр, төрләндереп ҡамыр ризыҡтары бешереп алып килдек, - тине Солтанбәк мәктәбе әҙерләгән бай продукцияны һатып тороусы Фәридә Рәхимйәнова менән Сабира Ғилманшина.
Йәрминкәгә һатырға килеүселәр һаны ла, һатып алыусылар ҙа артҡандан-арта бара. Тауыш бирергә барыусылар өсөн был бигерәк тә отошло: үҙҙәренең гражданлыҡ бурысын да үтәй, яңы ғына етештерелгән сифатлы продукция ла алып ҡыуана.
Наилә Имаева.
