Тауыш биреү тыныс шарттарҙа үтә

Асҡын ауылында урынлашҡан 3459-сы һайлау участкаһында өс көнгә һайлаусыларҙың 40 проценты тауыш биреп тә өлгөргән.- Беҙҙең участкала бөтәһе 396 һайлаусы теркәлгән. Шуларҙың һигеҙе – беренсе тапҡыр тауыш биреүселәр. Конституцияға төҙәтмәләр буйынса тауыш биреүҙә үткән өс көндә 160 кеше үҙенең гражданлыҡ бурысын үтәп тә өлгөрҙө. Әйтергә кәрәк, халыҡ был мөһим сәйәси сараға яуаплы ҡарай, күптәр ғаиләләре менән һайлауға килә. Һайлау комиссиялары ағзалары күҙәтеүселәр менән, барлыҡ хәүефһеҙлек сараларын үтәп, төштән һуң ғариза буйынса кешеләрҙең өйҙәренә лә барып һайлата. Әлегә тауыш биреү тыныс шарттарҙа, закон боҙоуҙарһыҙ үтә, йәмәғәт күҙәтеүселәре яғынан да иҫкәрмәләр юҡ, - тине участка һайлау комиссияһы рәйесе Рафаил Илдус улы Нуриханов.Наилә Имаева.Автор фотолары.