Милли кейем байрамы – онлайн рәүештә

Иртәгә Милли кейем көнөнә арналған онлайн байрам була. Ошо ваҡиға уңайынан Ер шарының төрлө мөйөштәрендә йәшәгән милләттәштәребеҙ иғлан ителгән флешмобҡа ҡушылды.

Был байрам сиктәрендә оҫталыҡ дәрестәре, видеолекциялар, исем туйҙары һәм дәрестәр үткәреү ҡаралған, йәғни милли кейемгә, уның асылына бәйле 26 төр сара уҙғарыу күҙ уңында тотала. Бар мәғлүмәттәр, онлайн күренештәр Дуҫлыҡ йортоноң Youtube-каналында https://www.youtube.com/playlist?list=PLr9is48FrUhnle ошо исем аҫтындағы плейлиста урынлаштырыла барасаҡ.

План буйынса Башҡортостан мәктәптәре уҡыусылары өсөн “Башҡорт милли кейеме”, Башҡортостан тарихы һәм мәҙәниәте буйынса, Башҡортостанда йәшәгән халыҡтарҙың милли кейеме буйынса донъя онлайн дәресе ҡаралған. “Милли кейемдә – фото” республика флешмобында ҡатнашып, һәр теләгән кеше #МойНациональныйКостюм #МиллиКостюм #КультураБашкирии #НародыБашкирии #НацКостюмЭтоМодно хештегтары менән һүрәттәрен ижтимағи селтәрҙәргә ҡуя ала.

Сарала ҡатнашыусыларҙың эштәре Башҡортостан Республикаһы Дуҫлыҡ йортоноң рәсми аккаунттарында ҡуйыла барасаҡ: “Бәйләнештә” (https://vk.com/ddn_rb), Facebook (https://www.facebook.com/ddnrespbash), Instagram (https://www.instagram.com/ddn_rb/). Ә инде финал видеоролик 18 апрелдә Youtube-каналында ҡуйыласаҡ һәм бөтә ижтимағи селтәрҙәргә таратыласаҡ.

Бөтә донъя башҡорттары ойошторған башҡорт милли кейемендә төшкән фотолар флешмобы бар ижтимағи селтәрҙәрҙә бара. Унда ҡатнашыу өсөн шулай уҡ #КурултайНациональныйКостюм #ҠоролтайМиллиКейем #ҡоролтай #курултай #ВсемирныйКурултайБашкир хештегын ҡуйырға онотмағыҙ. Унда донъяның ҡайһы мөйөшөндә йәшәгән башҡорт булыуыңды ла күрһәтергә кәрәк.

Бынан тыш, башҡорт һәм урыҫ милли кейемдәренең элементтарын әҙерләү буйынса онлайн оҫталыҡ дәрестәре Республика халыҡ ижады йортоноң рәсми сайтында барасаҡ: https://rcntrb.com/ru/, https://www.instagram.com/rcnt_rb/, //www.facebook.com/RSNTRB. YouTube каналындағы адрес: https://www.youtube.com/channel/UCr6e6u7s4gVienLMZiaG..).

Шулай уҡ Башҡортостандың Милли музейы виртуаль күргәҙмә эшләйәсәк. Рәсми сайт: https://museumrb.ru/).

“Мин милли кейемдә” бейеү флешмобы Ф. Ғәскәров исемендәге дәүләт академия халыҡ бейеүҙәре ансамбле фондында һаҡланған Рәсәй халыҡтарының милли кейемдәрендәге бейеүҙәрҙе күрһәтеүҙе күҙ уңында тота. Рәсми сайт: http://gaskarov-ensemble.ru, YouTube каналында: https://www.youtube.com/channel/UCUnxRrQ0c0LEj-zAIMje, ул шулай уҡ ижтимағи селтәрҙәрҙә лә барасаҡ.