+30 °С
Болотло
Новости
15 Апрель 2020, 12:10
«Теледәрестәр оҡшай!»
«Уҡыусыларға ла, ата-әсәләргә лә теледәрестәр оҡшай”, - ти Урмияҙ мәктәбенең 1-се класс уҡытыусыһы Нурия Мөхәмәтнур ҡыҙы Ғилмаева.
6 апрелдән башлап беренсе класс уҡыусылары өсөн БСТ, Башкортостан 24, Вся Уфа, ЮТВ телеканалдарынан теледәрестәр күрһәтелә. Улар башлыса рус теле, математика, башҡорт теле, әҙәби уҡыу, һынлы сәнғәт, технология, музыка дәрестәре. Көн дә билдәле шәхес менән асыҡ онлайн-дәрестән һуң уҡыу башлана.
«Минең беренсе класта 12 уҡыусы. 10 бала БСТ ҡарай, дәрес ваҡытында башҡарған һәм өй эштәрен ватсаптан фотоға төшөрөп миңә ебәрәләр. Ике уҡыусы кейс-технология менән уҡый. Уҡыусыларға БСТ каналынан дәрес ҡарауы бик оҡшай, яҡшы аңлаталар. Өйҙә булған ата-әсәләр ҙә дәресте балалары менән бергә ҡарай, кәрәк булһа, аңлата. Беренсе көндәрҙә генә бер аҙ ҡыйын булды, сөнки яҙыу эштәренә ваҡыт аҙ бүленде. Хәҙер өйрәнделәр: телефонға төшөрөп алалар ҙа, ашыҡмай ғына дәфтәргә күсереп яҙалар»,- ти Нурия Мөхәмәтнур ҡыҙы.
Наилә Имаева.
