Милләтебеҙ фажиғәһе булып ҡуймаһын

Был хаҡта бары тик “Башҡортостан” гәзитенән генә уҡып буласаҡ. Яҙмала шундай юлдар бар: “Быны, моғайын да, фажиғә тип атап булалыр. Халҡыбыҙҙың, ысынлап та, иң драматик яҙмышылыр был. Дөрөҫ, яуҙар, баш күтәреүҙәр арҡаһында ҡаты язалар кисергән милләттең яҙмышы бер саҡта ла бик еңел булмаған да ул, әммә быныһы...

Әлеге көндә, ишетеүемсә, Башҡортостан ғалимы Искәндәр Сәйетбатталов ғәйнәләрҙең телен тергеҙеү эше менән була, буғай. Шәп булыр ине. Был үҙенсәлекле башҡорт теле юғалып бөтһә, уның татар теле йоғонтоһонда юҡҡа сығыуы бик мөмкин, ҙур хилафлыҡ булыр ине. Был телдә матбуғат булдырыу, әҙәбиәт яҙыу ҙа халҡыбыҙҙың лексикологияһын байытыр ине…”

Башҡорт теле диалекттары, һөйләштәре, уларҙың киң даирәлә ҡулланылыуы тураһында күп яҙҙыҡ, һөйләштек. Рәсми ҡарарҙар ҡабул итергә ваҡыт еткәндер, моғайын!