+30 °С
Болотло
Новости
1 Апрель 2020, 06:10
Балаларығыҙ менән башҡортса китаптар уҡыйһығыҙмы?
2020 йылдың Башҡорт теле йылы икәнлеген онотманығыҙмы? Апрель айы девизы - "Башҡорт теле – әсә теле". Хештег #әсә.
Кисә 20.00 сәғәттән Башҡортостан Башлығының республика халҡын тулыһынса ѳйҙә ҡалдырыу тураһындағы указы кѳсѳнә инде.
Республика Башлығы Радий Хәбиров Хѳкүмәт,район, ҡала хакимиәттәре башлыҡтары һәм башҡа ведомство етәкселәре менән уҙғарған видеоконференцияла Башҡортостанда ѳйҙә ҡалыу буйынса режимдың ҡасанға тиклем дауам итәсәгенең аҙна аҙағында билдәле буласағы тураһында белдерҙе.
- Был указды ваҡытһыҙ индерәбеҙ. Республика кимәлендәге хәлде күҙәтеп анализлағандан һуң, аҙна аҙағында уның сиген билдәләйәсәкбеҙ. Әлегә 6 апрель булыр тигән фараз бар. Әммә, айырып әйтәм, һуңғы ҡарарҙы хәл торошонан сығып ҡабул итәсәкбеҙ, - тине Радий Хәбиров.
Пандемия менән бәйле хәл ваҡиғаларҙы, әсәләрҙең әле балалары менән күберәк ваҡыт уҙғарыу мөмкинлеге тыуыуын иҫәпкә алып, әсә телен онлайн тормош сиктәрендә өйрәнеү , популярлаштырыу маҡсатында, апрель айында ла интерактив башҡорт теленә иғтибар итергә саҡырабыҙ.
Ҡәҙерле дуҫтар, хөрмәтле ата-әсәләр, һеҙ балаларығыҙ менән башҡорт телендә китаптар уҡыйһығыҙмы? Беҙгә лә яҙып ебәрегеҙ!
Наилә Имаева.
