+30 °С
Облачно
Новости
12 Марта 2020, 17:05
Рухлы йырҙар яңғыраны
#БөйөкЕңеүгә75йыл #75летВеликойПобедеБөгөн Урмияҙ ауыл мәҙәниәт йортонда “Йырсы ауыл” вокал конкурсы һәм “Мәңгелек хәтер” эстафетаһын тапшырыу тантанаһы уҙҙы. Унда Урмияҙ һәм Үршәҙе ауылдары йыр-моң һөйөүселәре ҡатнашты.
“Сара илһөйәрлек рухында бик күңелле үтте. Урмияҙ ауылынан 14 номер булды. Әлгиз һәм Илгар Мәхмүдйәровтар (3-4 кл.), Эльвина Кәримова (8 кл.), Рәзиф Сафиуллин, Резеда Ибраһимова, Нәсимә Ғәлиева, Алита Ғилфанова, Фиордания Дихина, Фидания Йосопова, Зөлфидә Миңлеғәлиева, Рәсимә Сафиуллина, Гөлсәсәк Абдуллина, Рәсимә һәм Рәзиф Сафиуллиндар, “Умырзая” вокаль ансамбле, ағинәйҙәрҙең “Хәтирә” ансамбле һуғыш, Тыуған ил, бәхетле бала саҡ темаһына йөкмәткеле йырҙар башҡарҙы. Сығыштар башҡорт, татар, рус телдәрендә булды”, - тине ауыл мәҙәниәт йорто методисы Фидания Йосопова.
“Үршәҙеләр ҙә етди әҙерлек менән килде конкурсҡа. Ете номер булды. “Гөлнәзирә” ансамбле, Мәмдүнә Әбдрәхимова, Миләүшә Әҡбәрова, Рәзилә Нәртдинова, Рәмилә Хәлиуллина, Гүзәл Әғәлиуллина сығыш яһаны. Жюри рәйесе йырҙарыбыҙҙы оҡшатты, юғары баһаланы", - тине Үршәҙе ауыл клубы методисы Альбина Насырова.
"Мәңгелек хәтер” эстафетаһы символын Урмияҙ ауыл биләмәһе башлығы Илшат Ирғәлин Ҡубияҙ ауыл биләмәһе башлығы Ришат Ғәбделхәйевҡа тапшырҙы.
Наилә Имаева.
