+30 °С
Болотло
Новости
6 Март 2020, 19:50
Асҡын “Тере шишмәләр” моңона сорналды
Халыҡ-ара ҡатын-ҡыҙҙар көнө алдынан, 6 мартта, “Батыр” физкультура-һауыҡтырыу комплексында VI Бөтә донъя Фольклориадаһына әҙерлек сиктәрендә ойошторолған «Тере шишмәләр» халыҡ ижады район смотр-фестиваленең Гала-концерты үтте.
Смотр-фестиваль сиктәрендә ауыл мәҙәниәт йорттарында 35 фольклор коллектив сығыш яһап, халҡыбыҙҙың онотолоп барған йолаларын тергеҙеп, жюри ағзаларына һәм тамашасыға күрһәтте. Сараларҙа 500-ҙән ашыу кеше ҡатнашты.
Байрам уңайынан ҡотлауҙар, иң әүҙемдәрҙе тәбрикләүҙәр, смотр-фестиваль еңеүселәрен һәм ҡатнашыусыларҙы бүләкләүҙәр иң яҡшы коллективтарҙың сағыу сығышы менән үрелеп барҙы. Сара тураһында тулыраҡ киләһе материалдарҙа уҡырһығыҙ.
Наилә Имаева.
