+30 °С
Болотло
Новости
29 Февраль 2020, 10:05
Бер йылда республика халҡы 13 мең кешегә кәмегән
Йыл башына Башҡортостанда даими халыҡ һаны 4037,8 мең кеше тәшкил иткән.
Йыл башына Башҡортостанда даими халыҡ һаны 4037,8 мең кеше тәшкил иткән. 2019 йылдың 1 ғинуары менән сағыштырғанда ул 13,2 мең кешегә кәмегән, тип хәбәр иттеләр Федераль дәүләт статистикаһы хеҙмәтенән.
Эксперттар билдәләүенсә, уҙған йылдың ғинуар-декабрендә демографик хәл республикала яңы тыуған сабыйҙар һәм вафат булыусылар һанының кәмеүе менән айырылып тора.
«Отчет осоронда халыҡтың тәбиғи кәмеүе күҙәтелә», — тип белдерҙе улар.
Әйтәйек, 2019 йылда Башҡортостанда 41 меңдән саҡ ҡына ашыуыраҡ кеше тыуған (2018 йылда – 47 мең).
Һәм, киреһенсә, былтыр республикала 49,2 мең кеше яҡты донъя менән хушлашҡан. 2018 йылда улар күберәк булған – 50,4 меңдән ашыу.
«Уҙған йылда республикала мең кешегә 10,4 яңы тыуған сабый һәм 12,2 үлгән кеше тура килгән», — тип өҫтәне статистиктар.
