Хәлилдәр еңеүселәр исемлегенә инерме?

Бөтә донъя башҡорттары ҡоролтайы бинаһында үткән ултырышта проект яҡлау өсөн Ҡариҙел районы башҡорттары ҡоролтайы рәйесе Камил Солтанов, ауыл биләмәһе башлығы Сулпан Тәгәрәев, район хакимиәтенең мәғлүмәт-аналитика бүлеге начальнигы Эльза Карамова, Хәлил мәктәбе уҡытыусыһы Рәфинә Шәйхова бара.”Бөтә һорауҙарға ла лайыҡлы яуап биреп, уңышлы сығыш яһаныҡ”, — ти Сулпан Тәгәрәев.

Иҫегеҙгә төшөрәбеҙ: "Айыҡ ауыл-2019" республика конкурсында Асҡын районынан — Ҡарткиҫәк, Балтастан — Нөркә, Борайҙан — Яңы Алтыбай, Бөрөнән — Иҫке Петров, Ҡариҙелдән — Хәлил, Мишкәнән Бабай ауылы ҡатнаша.

Был конкурста барлығы 47 ауыл көсөн һынай. Финалға 15 ауыл сыға. Артабан 1 марттан 10 мартҡа тиклем ошо ауылдар өсөн тауыш биреү ойошторола. Һөҙөмтәләр 20 мартта билдәле буласаҡ.

Наилә Имаева.