+30 °С
Болотло
Новости
27 Ғинуар 2020, 08:05
Илһам да еңеү менән ҡайтты! Афарин!
Физиканан Бөтә Рәсәй мәктәп уҡыусылары олимпиадаһының төбәк этабында Ҡышлауйылға мәктәбенең 11-се класс уҡыусыһы Илһам Латыпов призер булды. Ҡотлайбыҙ!
— Был көндәр беҙҙең өсөн бик көсөргәнешле. Улым Илһам әле генә физиканан олимпиадала яҡшы һөҙөмтәләр күрһәтеп, призер булып ҡайтты. Бына алда математика һәм ОБЖ-нан олимпиадаға бараһы бар. Бөгөн Дилбәр ҡыҙым да биологиянан төбәк олимпиадаһында 1-се турҙы үтә. Икеһе өсөн дә һөйөнәбеҙ ҙә, шул уҡ ваҡытта уйланып, борсолабыҙ ҙа. Бөтә эштәрҙе уңышлы ғына башҡарып, иҫән-һау йөрөп ҡайтһындар. Физика буйынса олимпиадаға райондан Асҡын 2-се мәктәбе уҡытыусыһы Рөстәм Ҡазыханов етәкселегендә йөрөп ҡайттылар, — тип һөйләне Илһамдың атаһы Мәғдән ағай.
Фотола: Илһам жюри рәйесе Евгений Екомасов менән.
Наилә Имаева.
