+30 °С
Болотло
Новости
12 Ғинуар 2020, 09:10
Каникулдың һуңғы көндәре лә күңелле үтә
Урмияҙ ауылы китапханаһында балалар шау-гөр килә.
Уҡыусыларҙың түҙемһеҙлек менән көтөп алған ҡышҡы каникулы тамамлана. Быйыл ял көндәре айырыуса күңелле үтте. Һәр ауылда мәктәп, клуб, китапхана хеҙмәткәрҙәре тарафынан күңелле лә, файҙалы ла саралар ойошторолдо. Улар тураһында район гәзиттәре сайтында яҡтыртып барҙыҡ.
- Урмияҙҙа ла уҡыусыларҙың ҡышҡы ялы бик күңелле, файҙалы үтте. Ойошторған сараларҙа балалар ҙур теләк менән ҡатнашты. Кисә китапханабыҙға 6-сы һәм 7-се класс уҡыусыларын саҡырып, матур ғына байрам ойошторҙоҡ, - тип хәбәр итте үҙ эшен ҙур яуаплылыҡ менән башҡарыусы китапханасы Маргарита Әүхәҙиева. - Китап уҡыуҙың, спорт менән шөғөлләнеүҙең, сәләмәт тормош алып барыуҙың өҫтөнлөктәре тураһында фекер алышҡандан һуң, төрлө конкурстар, уйындар ойошторҙоҡ. Һәр ҡатнашыусы иҫтәлеккә бүләк алды. Шулай күңелле уйындар уйнап, шау-гөр килешеп таралышты балалар.
Наилә Имаева.
