+30 °С
Болотло
Новости
28 Декабрь 2019, 08:58
31 декабрҙән ҡайһы бер смартфондарҙа ватсап эшләмәйәсәк
Һуңғы ун йыл эсендә WhatsApp ҡушымтаһының тормошобоҙға үтеп ингәнен инҡар итеүсе һирәктер. Тиҙ арала хәбәрҙәр ебәреү, донъяның теләһә ниндәй нөктәһенә бушлай шылтыратыу, видеобәйләнештән тыш, ул - эшлекле һөйләшеүҙәр, хеҙмәттәштәр менән фекер алышыу урыны ла.
WhatsApp-тың авторҙары хәбәр итеүенсә, 31 декабрҙән алып ҡушымтаны күп смартфондарҙың операцион системаларында ғәмәлдән сығарыу ҡарары уларға ауыр бирелгән.
Платформаларында IOS 8 һәм унан да иртәрәк сыҡҡан системалар ҡуйылған айфондарҙа, шулай уҡ иҫке версиялы Android телефондарында WhatsApp эшләмәйәсәк, ә смартфондарында Windows операцион системаһын ҡулланыусылар бөтөнләй был ҡушымтаға инә алмаясаҡ.
Бәйләнешһеҙ ҡалырға теләмәһәгеҙ, телефондарығыҙҙың операцион системаһын яңыртырға ашығығыҙ, ә улай ҙа мөмкин түгел икән, белгестәр яңы смартфтон һатып алырға тәҡдим итә.
Фото: https://rostovdrive.ru
Автор: Айгөл Йәмилева
