Европа менән Азия Өфөгә йыйылды

Өфөләге “Торатау” конгресс-холында барған “Башҡортостан саҡыра!” инвестиция форумы сиктәрендә секциялар ултырыштары уҙғарылды. Уларҙың тәүгеһе “Бизнесҡа ярҙам структураһы: индустриаль парктар, иҡтисади зоналар, үҫеш институттары” тип аталһа, икенсеһе “Бизнес яҡлау аҫтында” тип исемләнгәйне. Был сараларҙы республиканың иҡтисади үҫеш һәм инвестиция сәйәсәте, дәүләт идара итеүенең һанлы үҫеше министрлыҡтары ойошторҙо.