Башҡортостанда биш район яҙғы сәсеүгә төшкән

Баймаҡ, Благовар, Бүздәк, Кушнаренко һәм Шишмә райондары аграрийҙары иген һәм ҡуҙаҡлылар сәсеүгә төшкән. 13 апрелгә төбәктә яҙғы сәсеү 746 гектарҙа башҡарылған. Бында иң ҙур өлөш Благовар районыныҡы – 300 гектар. Хәтерегеҙгә төшөрәбеҙ, республикала иген һәм ҡуҙаҡлы культураларҙы 2 миллион гектарҙа сәсеү күҙаллана.

Быйыл төбәктә яҙғы баҫыу эштәренә 11,2 миллиард һум кәрәк (2018 йылға +18%). Ауыл хужалығы техникаһын ремонтлау өсөн запас частарға, яғыулыҡ-майлау материалдарына, минераль ашламаларға хаҡтарҙың күтәрелеүе сығымдарҙың артыуына килтергән.

Фото: Башҡортостан Ауыл хужалығы министрлығының матбуғат хеҙмәте

ӨФӨ, 2019 йыл, 15 апрель. /«Башинформ» мәғлүмәт агентлығы, Азат Ғиззәтуллин/.

http://www.bashinform.ru/news/1297681-v-bashkirii-pyat-rayonov-nachali-yarovoy-sev/