+30 °С
Болотло
Новости
23 Ноябрь 2018, 11:49
Өфөгә Камал исемендәге Татар театры гастролгә килә
Өфөгә Ҡазандың Ғәлиәскәр Камал исемендәге Татар дәүләт академия театры килә. Гастролдәр «Нур» театры сәхнәһендә 2019 йылдың 14 февраленән 20-һенә тиклем бара.
«Ике театрҙың алмаш гастролдәре изге йолаға әүерелде, — ти Камал театры директоры урынбаҫары Илшат Латипов. — Театрыбыҙ Өфөгә алты спектакль алып килә, улар араһында һуңғы ике йылдағы премьералар бар».
Гастролдәр афишаһына түбәндәге спектаклдәр ингән:
14 һәм 19 февралдә — А. Ғиләжевтың «Әтәс менгән ситәнгә»;
15 һәм 16 февралдә — Н.Иҫәнбәттең «Миркәй менән Айһылыу» ;
16 февралдә — С.Ғаффарованың «Килмешәк»;
16 һәм 17 февралдә — З.Хәкимдең «Килә яуа, килә яуа...»;
17 һәм 18 февралдә — Ғ.Исхаҡиҙың «Тормошмо был?» ;
20 февралдә — «Бейеү пәрейе», авторы һәм режиссеры И. Зәйниев.
Спектаклдәр тураһында тулыраҡ мәғлүмәт — Ғ.Камал исемендәге Татар театры сайтында.
/«Башинформ» мәғлүмәт агентлығы, Ләйлә Аралбаева/.
