+30 °С
Болотло
Новости
14 Ноябрь 2018, 06:07
Борайҙар фестивалдә ҡатнашты
“Дуҫлыҡ” халыҡ бейеү ансамбле Тәтешле районында “Кама буйы йәүһәрҙәре” фин-уғыр халыҡтары милли мәҙәниәте фестиваленең гала-концертында ҡатнашты. Унда Борай, Мишкә, Балтас, Ҡалтасы, Краснокама, Яңауыл, Тәтешле райондары һәм Ағиҙел ҡалаһынан ижади коллективтар сығыш яһаны. Фестиваль ысын мәғәнәһендә милли мәҙәниәт һәм дуҫлыҡ байрамына әйләнде.
Сарала ҡатнашыусыларҙы Тәтешле районы хакимиәте башлығы Рушан Гәрәев һәм Башҡортостан Республикаһы Мәҙәниәт министрлығы вәкиле Азамат Ғәлимов сәләмләне. Байрамды китаптар һәм биҙәү-ғәмәли сәнғәт күргәҙмәләре биҙәне. Фестиваль барыһына ла шатлыҡ, ижади коллективтарға бергә йыйылыу, аралашыу, һәләттәрен күрһәтеү мөмкинлеге бүләк итте. Ҡатнашыусыларға дипломдар һәм иҫтәлекле бүләктәр тапшырылды.
