Асҡын 2-се урта мәктәбе уҡыусылары полиция бүлегендә экскурсияла

Кисә Асҡын 2-се урта мәктәбенең IXВ класы уҡыусылары тарих уҡытыусыһы Фәридә Хөснийәрова һәм директорҙың тәрбиәүи эштәр буйынса урынбаҫары Рәйлә Ҡәйүмова етәкселегендә Асҡын полиция бүлегенә экскурсияға барҙы. Экскурсияны начальниктың шәхси состав эше буйынса ярҙамсыһы Ленар Ғайнанов үткәрҙе. Балалар полиция хеҙмәткәрҙәре эше менән танышты, музейҙа булды. Уларҙы бигерәк тә кинолог эше ҡыҙыҡтырҙы. Экскурсия малайҙарға һәм ҡыҙҙарға бик оҡшаны. Бирелә хеҙмәт иткәндәрҙең эше ниндәй яуаплы һәм ауыр икәнен аңланы улар.

Үҙ хәбәрсебеҙ.