Магазинға икмәккә барып килде: Башҡортостанда 15 йәшлек үҫмер автомобилде кюветҡа ауҙарған, уның 17 йәшлек пассажиры һәләк булған

Уҙған кис Туймазы районының Үрге Троицк ауылында ҡот осҡос фажиғә булған. Башҡортостан буйынса ЮХХДИ-ның яҡынса мәғлүмәттәренә ярашлы, водитель таныҡлығы булмаған 15 йәшлек үҫмер ВАЗ-2114 автомобиленә ултырып, транспортты кюветҡа ауҙарған. Юл-транспорт ваҡиғаһы һөҙөмтәһендә водитель зыян күрмәгән, уның 17 йәшлек пассажиры алған йәрәхәттәрҙән урында һәләк булған.

Шаһиттар һөйләйүенсә, үҫмер магазинға икмәккә барыр өсөн автомобилде һорауһыҙ алып киткән.

«Башинформ» мәғлүмәт агентлығы, Әлфиә Әғлиуллина.