Өҫтөнлөклө милли проекттарҙы финанслауға 8 триллион һум бүленә – Рәсәй Хөкүмәте

Өҫтөнлөклө милли проекттарҙы финанслауға 8 триллион һум бүленә. Был турала Мәскәүҙә үткән төбәк үҫеше буйынса хөкүмәт комиссияһы ултырышында Рәсәй Хөкүмәте Премьер-министры урынбаҫары Виталий Мутко хәбәр итте. Ултырышта Башҡортостан Хөкүмәте Премьер-министры Рөстәм Мәрҙәнов ҡатнашты.

Ултырышта финанс мәсьәләләр, атап әйткәндә, 2019 йылға һәм 2021 йылға тиклемге план осорона Федерация субъекттарының бюджет тәьмин ителешен тигеҙләүгә дотациялар бүлеү алымдары, Рәсәй субъекттарының һәм муниципаль берәмектәрҙең һалым ташламалары һөҙөмтәлелеген баһалау, төбәктәрҙең ил Президентының майҙағы указдары менән ҡаралған милли проекттарҙа ҡатнашыуы тикшерелде.

/«Башинформ» мәғлүмәт агентлығы/.