+30 °С
Болотло
Новости
1 Июнь 2018, 08:50
Рөстәм Хәмитов: «Петербург халыҡ-ара иҡтисади форумында ҡатнашыусылар Башҡортостандың ҡеүәтле иҡтисади потенциалын билдәләне
Кисә Рәсәй полицияһының 300 йыллығына арналған тантаналы йыйылышта Башҡортостан Башлығы Рөстәм Хәмитов республика делегацияһының үткән аҙнала тамамланған Петербург халыҡ-ара иҡтисади форумында ҡатнашыу йомғаҡтарын һөйләне.
— Стратегик башланғыстар агентлығы, ышаныслы партнёрҙар – «Роснефть» һәм «КамАЗ» менән хеҙмәттәшлекте киңәйтеү тураһында килешеүҙәр төҙөлдө. Федераль үҫеш институттары, ҙур компаниялар һәм холдингтар менән осрашыуҙар уңышлы үтте. Форум майҙансығында күҙалланған инвестиция проекттарының дөйөм хаҡы 30 миллиард һумдан артып китә. Форумдың бөтә ҡатнашыусылары Башҡортостандың ҡеүәтле иҡтисади потенциалын, ижтимағи-сәйәси һәм социаль тотороҡлоғон, бизнес алып барыу өсөн юғары ышаныслыҡты билдәләне, – тип һыҙыҡ өҫтөнә алды Рөстәм Хәмитов.
ӨФӨ, 2018 йыл, 1 июнь. /«Башинформ» мәғлүмәт агентлығы/.
