Рәсәй Гидрометүҙәге Башҡортостанда -5 градусҡаса ҡырау төшөүен фаразлай

Башҡортостанда -5° тиклем ҡырау төшөүе фараз ителә. Рәсәй Гидрометүҙәге хәүефле һәм насар һауа торошо күренештәренең бюллетенен таратты.

«Башҡортостанда 28 майҙа ямғыр, йәшен, ел секундына 17-22 метр, 29-30 майҙа ҡырау төшә (һауа температураһы -5° тиклем)», — тиелгән хәбәрҙә.

Хәтерегеҙгә төшөрәбеҙ, май айының һуңғы декадаһында Башҡортостанда Ғәҙәттән тыш хәлдәр министрлығы һауа торошоноң насарайыуы хаҡында иҫкәртә. Атап әйткәндә, 27 майҙа республикаға көслө ел килде, көндөҙ көсәйгәндә секундына 15-20 метрға етте, ҡайһы бер райондарҙа һауала һәм тупраҡ өҫтөндә 0,-3° ҡырау төшөүе күҙәтелде.

«Башинформ» мәғлүмәт агентлығы.