Владимир Путиндың яңы лимузинына Башҡортостанда етештерелгән амортизаторҙар ҡуйылған

Илебеҙ Владимир Путиндың инаугурацияһында күргән лимузин Рәсәйҙә сығарылған. «Беренсе канал» мәғлүмәттәре буйынса, автомобилдең бөтә комплект өлөштәре илдең төрлө төбәктәрендә эшләнгән. Мәҫәлән, амортизаторҙар – Башҡортостанда, яғыулыҡ багы – Түбәнге Новгородта, дисктары – Красноярскиҙа, шиндары Нижнекамскиҙа етештерелгән, күн салоны Рязанда тегелгән. Двигателе лә илебеҙҙә әҙерләнгән.

Билдәләп үтергә кәрәк, илебеҙ президенты Владимир Путин йөрөгән лимузин – эксклюзив түгел. Оҙаҡламай был автомобилде Рәсәйҙә күпләп етештерә башлайҙар. 2018 йылдың аҙағына тиклем 100-ҙән ашыу «Аурус» маркалы автомобилде конвейерҙан сығарыу һәм һатыу күҙаллана. Лимузиндың хаҡы алты миллион һумдан башлана.

«Башинформ» мәғлүмәт агентлығы.