Шорт-трексы Семен Елистратов 2018 йылғы Олимпия Уйындары миҙалын музейға бирергә әҙер

2018 йылғы Олимпия уйындарында шорт-тректа бронза призеры Семен Елистратов РИА Яңылыҡтар агентлығына миҙалын йәш быуынды дәртләндерһен өсөн Рәсәйҙең Спорт министрлығы музейына бирергә әҙер булыуын белдерҙе.

Сочиҙа Олимпиадала Елистратов эстафетала алтын яуланы, ә Пхенчханда 1500 арауыҡта шәхси алышта бронза алды.

«Олимпия алтыны – Казаков урамында Спорт министрлығы музейында. Нимә эшләп ул өйҙә ята, ә унда балалар өсөн экскурсия ойошторолар, тип уйлап ҡуйҙым. Бәлки, берәйһе миҙалды күреп: "миңә лә кәрәк, Елистратовтан ни ерем менән кәм мин!", — тип әйтер — тип Башҡортостан спортсыһы телмәренән өҙөмтә килтерә РИА Яңылыҡтар. — Хәҙер миҙалды ата-әсәйемә, яратҡан ҡатыныма алып ҡайтып күрһәтәм, һораһалар, бирермен дә. Өйҙә миҙалдар саңланып ята, ә экспозицияла, бәлки, берәйһенә өлгө булыр».