+30 °С
Болотло
Новости
26 Февраль 2018, 06:10
Баш ҡалала «әсәләр» вакансиялары йәрминкәһе үтә
Баш ҡалала 1 мартта йәштәр һәм кескәй балалары булған ҡатындар өсөн вакансиялар йәрминкәһе үтә. Был турала «Башинформ» агентлығына Өфөләге Халыҡ мәшғүллеге үҙәгенән хәбәр иттеләр.
Баш ҡалала 1 мартта йәштәр һәм кескәй балалары булған ҡатындар өсөн вакансиялар йәрминкәһе үтә. Был турала «Башинформ» агентлығына Өфөләге Халыҡ мәшғүллеге үҙәгенән хәбәр иттеләр.
Тәҡдим ителгән вакансиялар иҫәбендә – администратор, автомобиль водителе, тәрбиәсе, хеҙмәтсе ҡатын-ҡыҙ, йөксө, диспетчер, инженер, кондуктор, консультант, курьер, менеджер, шәфҡәт туташы, официант, ашнаҡсы, һатыусы һәм электрик.
Йәрминкәгә килгәндәргә ғәҙәттәгесә мәшғүллек өлкәһендәге дәүләт хеҙмәттәре күрһәтелә, шул иҫәптән хеҙмәт баҙарындағы хәл тураһында мәғлүмәт, психолог кәңәше бирелә, компьютер диагностикаһы һәм һөнәри йүнәлеш буйынса консультациялар үткәрелә.
Бөтә хеҙмәттәр ҙә бушлай, тип билдәләнеләр Өфөләге Халыҡ мәшғүллеге үҙәгендә.
Йәрминкәне уҙғарыу урыны һәм ваҡыты — Ибраһимов бульвары, 47/1, иртәнге сәғәт 10-дан 12-гә тиклем.
