8 февраль - Рәсәй фәне көнө

Рәсәй фәне көнө ил президенты указы менән 1999 йылда булдырылды. Байрам Рәсәй фәндәр академияһына нигеҙ һалыуға бағышланған. Был учреждение 1724 йылда император Петр Беренсе ҡарарынан һуң төҙөлә. Советтар Союзы осоронда Фән көнөн апрелдең өсөнсө йәкшәмбеһендә билдәләйҙәр. Күп кенә ғилми коллективтар әле лә "иҫке стил"дән ситләшмәй, байрамды апрелдә уҙғара. Беҙҙең республикала әле тиҫтәләрсә университетты берләштергән Рәсәй фәндәр академияһының Өфө тикшеренеүҙәр үҙәге һәм Башҡортостан Фәндәр академияһы эшләп килә.