“Илһамлы Балтас”ҡа рәхим итегеҙ!

Үҙәк район китапханаһында әҙәбиәт һөйөүселәр йыйылышы үтте. Ҡатнашыусылар ғаилә, әсә, бала тәрбиәләүгә арналған шиғырҙар уҡыны, күтәрелгән темалар буйынса фекер алышты.

Йыйылышта “Балтас китапханаһы” сайтында “Илһамлы Балтас” төркөмөн булдырып, унда район ижадсыларының шиғырҙарын урынлаштырыу тәҡдиме яңғыраны. Был тәҡдим хуплап ҡаршы алынды һәм китапхана хеҙмәткәрҙәре тарафынан икенсе көндө үк тормошҡа ашырылды. Хәҙер шиғриәт һөйөүселәр һәүәҫкәр шағирҙарҙың ижады менән “Илһамлы Балтас” төркөмөндә даими танышып бара ала.