Сарала шифалы сәй ҡайнатыу, буҙа яһау серен дә астылар

Шулай уҡ сәй табыны артында рецептар менән дә бүлештеләр, сәйҙең шифаһы, төрҙәре тураһында ла һөйләштеләр, табынға, ҡунаҡсыллыҡҡа ҡарата әйтелгән тапҡыр һүҙҙәр, әйтемдәрҙе лә иҫкә төшөрҙөләр. Ошо байрамдың инициаторы булып, ойоштороуға төп көс һалыусы Мәмдүнә Зарипова 21 төр үләндән сәй ҡайнатып, файҙаһы тураһында һөйләне. Урмияҙ ағинәйҙәре етәксеһе Сәлимә Әбүбәкерова үҙе әҙерләп алып килгән буҙа менән һыйлап, уның файҙаһы тураһында әйтеп, элекке ата-бабаларыбыҙҙың туҡланыу рәүешенән баш тартмаҫҡа, милли ризыҡтарыбыҙҙы йышыраҡ әҙерләргә саҡырҙы.