Мишкә районынан Илсаф Заһитов яҡшы уҡыуы менән айырылып тора

Илсаф Заһитов — Мишкә районының Кәмәй урта мәктәбе уҡыусыһы. Ул яҡшы уҡыуы, төрлө конкурстарҙа, олимпиадаларҙа ҡатнашыуы менән айырылып тора. Тырыш егет спорт менән шөғөлләнә, бәйгеләрҙә көсөн һынай. Иң мөһиме, Илсаф изге күңелле, һәр ваҡыт ярҙамға килергә әҙер дуҫ. Ҡыҙыҡһыныусан егет тәбиғәтте ярата. Өйҙә ата-әсәһенә барлыҡ эштә лә тиерлек ярҙамлаша. Ә йорт ҡуяндарын ул үҙе тәрбиәләй. 2018 йылда Илсаф уҡыу йылын уңышлы тамамлауын, ата-әсәһенең, яҡындарының иҫән-һау булыуын, ә Ҡыш бабайҙың көтөлмәгән ҡыуаныслы бүләк алып килеүен теләй.