Асҡын районы Үтәш ауылында йәшәүсе Нәжип Ғелметдинов ун йыл рәттән ауылдаштарын ҡар һындары менән һоҡландыра!

Быйыл Ғелметдиновтарҙың йорттары алдын далматинец тоҡомло Эт һәм Көсөк, гармунда уйнаған Айыу, гитаралы Ҡуян, Бүре, Әтәс, Шыршы, Ҡарһылыу менән Ҡыш бабай, шулай уҡ ҡарҙан ҙур итеп 2018 тип яҙылған яҙыу биҙәй. Нәжип ағайға һындарҙы тормош иптәше Рәидә апай буярға ярҙам иткән. Ә уның әсәһе — Яңы йыл алдынан ғына 88 йәшен тултырған Рафания әбей: «Быйыл был эштә ҡатнашмаһам да, балаларҙы сәмләндереп торҙом», — ти.