Баш ҡалала һалым хеҙмәткәрҙәре журналистар менән аралашты

Федераль һалым хеҙмәтенең республика идаралығында ведомство етәкселеге киң мәғлүмәт саралары вәкилдәре менән осрашты. Ведомство етәксеһе Марат Вәхитов төбәк һалым органдары эшмәкәрлегенә яҡынса йомғаҡ яһаны.

Бюджетҡа һалым керемдәре буйынса ыңғай динамиканы тәьмин итеүгә киң мәғлүмәт саралары менән үҙ-ара уңышлы эшмәкәрлек ҙур өлөш индерҙе, тип билдәләне ул. 2017 йылда киң мәғлүмәт сараларында баҫылып сыҡҡан мәғлүмәт материалдарының һаны 10 549 тәшкил итте, ул былтырғыға ҡарағанда 22,3 процентҡа күберәк.

Марат Вәхитов журналистарға уңышлы хеҙмәттәшлек һәм һалым түләүселәргә мәғлүмәт еткереүгә индергән өлөш өсөн рәхмәт әйтте.

«Башинформ»дан.