Борайҙан Илназ Мәскәүгә бара

Борай районы Таҙлар мәктәбендә тырыш уҡыусылар бик күп. Ә бына улар араһында VI класс уҡыусыһы Илназ Нурисламов айырым урын алып тора. Ул бик егәрле, уҡыу отличнигы, артистлыҡ һәләте лә бар үҙендә, мәктәптә, районда үткән сараларҙа гел ҡатнаша. Спортта ла уңыштар яулаған Илназ туғандарына һәр яҡлап өлгө, ә хат ташыусы булып эшләгән әсәһенә ҙур ярҙамсы. Һәләтле, тырыш малай менән бөтә мәктәп коллективы ғорурлана.