Балтастан Алһыу Мәскәүгә бара

Мәскәүгә Балтас районынан Һәйтәк мәктәбенең VI класс уҡыусыһы Алһыу Тәғрифуллина бара. Тырыш, ныҡышмал ҡыҙ бейергә, йырларға ярата, район сәнғәт мәктәбендә рәсем төшөрөү серҙәренә лә өйрәнә. Уҡыуҙа ла, йәмәғәт эштәрендә лә әүҙем ул. Бар фәндәрҙе лә ҡыҙыҡһынып өйрәнә. Район олимпиадаларында, ижади конкурстарҙа ҡатнашып, призлы урындар яулай. Быйыл ул уҡыусыларҙың XXIII физика-математика төбәк-ара олимпиадаһында I дәрәжә Диплом менән бүләкләнде. Ата-әсәһенең, туғандарының ярҙамсыһы, ғорурлығы булған ҡыҙ Кремль шыршыһына барыуын оло бүләк тип ҡабул итте.