Республикала Тышҡы иҡтисади бәйләнештәр буйынса дәүләт комитеты ойошторолдо

Башҡортостан Башлығы Рөстәм Хәмитовтың Указы менән республиканың Тышҡы иҡтисади бәйләнештәр буйынса дәүләт комитеты ойошторолдо.

Документта билдәләнеүенсә, Дәүләт комитеты халыҡ-ара һәм төбәк-ара хеҙмәттәшлек өлкәһендә республика башҡарма власть органы булып тора. Уға төбәк Башлығы Хакимиәте һәм Эштәр идаралығы, Башҡортостан Иҡтисади үҫеш министрлығының ошо йүнәлештәге тейешле функциялары тапшырылған.

Республика Башлығы Хакимиәтенә һәм Башҡортостан Хөкүмәтенә норматив-хоҡуҡи акттарҙы Указға тап килтереү бурысы йөкмәтелде.

«Башинформ»дан.